Aşgabat şäheriniň bedenterbiýe we sport baradaky Baş müdirliginiň ýöriteleşdirilen küşt we şaşka mekdebinde 64 öýjükli şaşka we düzzüm boýunça oglan-gyzlaryň arasynda çalasyn oynamak (rapid) boýunça Aşgabat şäheriniň birinjiligi geçirildi. Yaryşy Aşgabat şäheriniň bedenterbiýe we sport baradaky Baş müdirligi TDP-niň Aşgabat şäher komiteti bilen bilelikde gurady.
Şaşka boýunça ýaryş aýratynlykda dört toparçada geçirildi. Netijede birinji toparçada Kerimnur Gandymow, ikinji toparçada Jeren Batyrowa, üçünji toparçada Yakupberdi Akyýew, 4-nji toparçada Täzegül Toýmyradowa ýeňiji boldular.
Düzzüm boýunça ýaryş ýaş aýratynlyklara görä guraldy. Şeýlelikde, erkekleriň arasynda 1-nji orna Magtymguly adyndaky TDU-nyň mugallymy Saparmyrat Hümmedow mynasyp boldy. Zenanlaryň arasynda öňdäki orny Türkmen döwlet bedenterbiýe we sport institutynyň talyby Çynar Durdykylyçewa eýeledi. Yaş düzzümçileriň arasynda Resul Gündogdyýew bilen Näzli Rejepowa öňe saýlandy. Ýaryşda ýeňiş gazanan türgenlere guramaçylar tarapyndan sowgatlar we Hormat hatlary gowşuryldy.
«Türkmen sporty» gazeti.
