Aşgabat şäheriniň bedenterbiýe we sport baradaky Baş müdirliginiň Ýöriteleşdirilen küşt we şaşka mekdebinde 8, 10 we 12 ýaşa çenli ýaş derejelerinde 310 türgeniň gatnaşmagynda küşt boýunça Türkmenistanyň çempionaty tamamlandy. Ýaryşlar küştüň nusgawy, rapid we blis görnüşlerinden geçirildi.
8 ýaşa çenli oglanlaryň arasynda Çaryhekim Çaryýew (Aşgabat) 1 altyn, 2 kümüş, Halilmuhammet Çaryýew (Aşgabat) 1 altyn, 1 bürünç, 8 ýaşa çenli gyzlaryň arasynda Aýlar Hemraýewa (Mary welaýaty) 2 altyn, Güneş Baýramowa (Lebap welaýaty) 1 altyn, 1 kümüş, 1 bürünç medal gazanmagy başardylar. 10 ýaşa çenli oglanlaryň arasynda Mahmud Meredow (Aşgabat) 1 altyn, 1 kümüş, Nazar Narimanow (Lebap welaýaty) 1 altyn, 1 bürünç, 10 ýaşa çenli gyzlaryň arasynda Aýýa Baýramowa (Lebap welaýaty) 2 altyn, 1 kümüş, Dünýä Ruslanowa (Lebap welaýaty) 1 altyn, 2 kümüş medala mynasyp boldular. 12 ýaşa çenli oglanlaryň arasynda Rauf Ýusupow (Mary welaýaty) 1 altyn, 1 bürünç, Alihan Batyrow (Mary welaýaty) 3 kümüş, 12 ýaşa çenli gyzlaryň arasynda Nebahat Muradowa (Lebap welaýaty) 2 altyn, 1 kümüş, Nurhan Babanazarowa (Lebap welaýaty) 1 altyn, 1 kümüş, 1 bürünç medal eýelemegiň hötdesinden geldiler.
Şeýlelikde, toparlaýyn hasapda Lebap welaýatynyň topary birinji, Aşgabat şäheriniň topary ikinji, Mary welaýatynyň topary üçünji orunlary eýelediler.
18 — 25-nji fewral aralygynda erkekleriň arasynda (birinji ligada), 3-nji martdan 17-nji mart aralygynda bolsa erkekleriň we zenanlaryň arasynda (esasy ligada) Türkmenistanyň çempionatlary geçiriler.
«Türkmen sporty» gazeti.
