«Pähim-paýhas ummany Magtymguly Pyragy» ýylynda Türkmenistanyň milli ýygyndysynyň türgenleriniň, şeýle-de halypa tälimçilerdir eminleriň öňünde täze eýelenmeli sepgitler durýar. Şundan ugur alyp, milli klublarymyzyň, ýygyndy toparlarymyzyň wekilleri dostlukly ýurtlarda geçirilýän okuw-türgenleşik ýygnanyşyklaryna, okuw maslahatlaryna we ýaryşlaryna gatnaşýarlar.

Şeýlelikde, 13 eminden we 2 instruktordan ybarat eminler toparymyz 13 — 24-nji fewral aralgynda dostlukly Birleşen Arap Emirlikleriniň Abu-Dabi şäherinde geçiriljek futbol eminleriniň halkara okuw-türgenleşik seminaryna gatnaşar.

* * *

Gylyçlaşmak sportuň ýurdumyzda meşhur bolup gelýän görnüşidir. Bu ugurdan 1 türgenden we topar ýolbaşçysy-tälimçiden ybarat Türkmenistanyň milli ýygyndysy 21 — 23-nji fewral aralygynda Germaniýa Federatiw Respublikasynyň Haýdenhaýn şäherinde geçiriljek Dünýä kubogyna gatnaşar. 24-nji fewral — 5-nji mart aralygynda şol ýerde geçiriljek okuw-türgenleşik ýygnanyşygyna we 6 — 10-njy mart aralygynda Wengriýa Respublikasynyň Budapeşt şäherinde geçiriljek Gran-Pri derejeli halkara ýaryşyna gatnaşar.

* * *

   Türkmenistana wekilçilik edýän 3 adamdan ybarat eminler topary 12 — 16-njy fewral aralygynda Eýran Yslam Respublikasynyň Tähran şäherinde geçiriljek Kabaddi boýunça okuw maslahatyna gatnaşar.

 Geldimyrat SOLTOWOW,

Türkmen döwlet  bedenterbiýe we sport institutynyň

sport žurnalistikasy fakultetiniň talyby.