Sambo we söweş sungaty boýunça Türkmenistanyň milli ýygyndy topary 24-nji ýanwar ― 14-nji fewral aralygynda Belarus Respublikasynyň Minsk şäherinde okuw-türgenleşik ýyganyşygyna gatnaşýar.
20 günlük saparyň dowamynda milli ýygynsy toparyň türgenleriniň 7 ― 10-njy fewral aralygynda geçiriljek Belarus Respublikasynyň Prezidentiniň Kubogy ugrunda geçiriljek ýaryşlara gatnaşmagy meýilleşdirilýär. Toparda 37 türgen, 5 tälimçi hem-de topar ýolbaşçysy bar.
* * *
Grek-rim göreşi boýunça milli ýygyndy toparymyz 25-nji ýanwar ― 20-nji fewral aralygynda Azerbaýjan Respublikasynyň Baku şäherinde geçirilýän okuw-türgenleşik ýygnanyşygyna gatnaşýar.
Toparda 20 türgen, 3 tälimçi hem-de topar ýolbaşçysy bar. Okuw-türgenleşik ýygnanyşygy üstünlikli dowam edýär.
* * *
Arkadag futbol klubunyň türgenleri ýylyň ilkinji aýlarynda okuw-türgenleşik ýygnanyşygynyň ikisine gatnaşýarlar.
29 türgenden we 13 wekilden ybarat topar häzirki wagtda 26-njy ýanwar ― 12-nji fewral aralygynda Türkiýe Respublikasynyň Antaliýa şäherinde geçiriljek okuw-türgenleşik ýygnanyşygyna gatnaşýar. Topar şondan soň 16-njy fewral ― 4-nji mart aralygynda Birleşen Arap Emirlikleriniň Abu-Dabi şäherinde geçiriljek okuw-türgenleşik ýygnanyşygyna gatnaşar.
* * *
Türkmenistanyň erkin göreş boýunça milli ýygyndy topary 28-nji ýanwar ― 18-nji fewral aralygynda Russiýa Federasiýasynyň Mahaçkala şäherinde geçirilýän okuw-türgenleşik ýygnanyşygyna gatnaşýar.
Toparda 29 türgen, 2 tälimçi, 1 wekil we topar ýolbaşçysy bar.
Milli ýygyndy toparlarymyzyň okuw-türgenleşik ýygnanyşyklarynda görkezýän ýokary netijeleri öňde duran iri sport çärelerinde gazanyljak ynamly üstünlikleriň binýady bolar diýip ynam bilen aýtmak bolar.
Geçirilýän wagty: 24.01.2024 - 13.02.2024
Geçirilýän ýeri: Minsk, Belarus Respublikasy
Görnüşi: Okuw-türgenleşik ýygnanyşyk
Türgen:37 Tälimçi:5 Ýolbaşçy:1
Geçirilýän wagty: 07.02.2024 - 10.02.2024
Geçirilýän ýeri: Minsk, Belarus Respublikasy
Görnüşi: Okuw-türgenleşik ýygnanyşygynyň çäklerinde Belarus Respublikasynyň Prezidentiniň kubogyny almak ugrundaky ýaryşy
Türgen:37 Tälimçi:5 Ýolbaşçy:1
