Dzýudo boýunça ýurdumyzyň milli ýygyndy topary şu ýylyň 2 ― 8-nji fewraly aralygynda Fransiýanyň Pariž şäherinde geçiriljek «Uly tuwulga» halkara ýaryşyna we okuw türgenleşik ýygnanyşygyna gatnaşar.
10 türgenden, 3 tälimçiden we 1 lukmandan ybarat bolan milli ýygyndymyzyň bu çärelere şu ýylyň 12 ― 21-nji ýanwary aralygynda Awstraliýa Respublikasynyň Mittersill şäherinde geçirilen okuw-türgenleşik ýygnanyşygynda, soňra 26 ― 31-nji ýanwar aralygynda Portugaliýa Respublikasynyň Lissabon şäherinde geçirilen «Uly tuwulga» halkara ýaryşynda we okuw-türgenleşik ýygnanyşygynda bolmak bilen barýandygyny bellemelidir.
Bu okuw-türgenleşik ýaryşlarynyň milli ýygyndy toparymyzyň türgenleriniň şu ýylyň 19 ― 23-nji maýy aralygynda Birleşen Arap Emirlikleriniň Abu-Dabi şäherinde geçiriljek Dzýudo boýunça dünýä çempionatynda, Fransiýanyň Pariž şäherinde geçiriljek XXXIII tomusky Olimpiýa oýunlarynda, şeýle-de dostlukly döwletlerde tapgyrlaýyn geçirilýän «Uly tuwulga» ýaryşlarynda şowly çykyş etmekleri üçin mynasyp ýardam boljakdygyny aytmak bolar.
Geçirilýän wagty: 10.01.2024 - 30.01.2024
Geçirilýän ýeri: Mahaçkala, Russiýa federasiýasynyň Dagystan respublikasy
Görnüşi: Okuw-türgenleşik ýygnanyşygy
Türgen:10 Tälimçi:3 Lukman:1
Geçirilýän wagty: 26.01.2024 - 31.01.2024
Geçirilýän ýeri: Lissabon, Portugaliýa
Görnüşi: Grand-Pri halkara ýaryşy we okuw-türgenleşik ýygnanyşygy
Türgen:10 Tälimçi:3 Lukman:1
Geçirilýän wagty: 02.02.2024 - 08.02.2024
Geçirilýän ýeri: Pariž, Fransiýa
Görnüşi: Grand slam halkara ýaryşy we okuw-türgenleşik ýygnanyşygy
Türgen:10 Tälimçi:3 Lukman:1
