Katardaky dünýä çempionatynyň final oýny 2022-nji ýylyň 18-nji dekabrynda geçirilip, Argentinanyň milli ýygyndysy fransuz toparyny oýundan soňky penaltiler arkaly ýeňmegi başardy.
Argentinanyň we Fransiýanyň milli ýygyndysynyň arasyndaky oýnuň esasy we goşmaça wagtlary 3: 3 hasabynda deňme-deň tamamlandy. Oýundan soňky 11 metrlik urgularyny dürs ýerine ýetiren argentinalylar 4: 2 hasabynda ýeňiş gazandylar.
Argentinanyň milli ýygyndysy taryhda üçünji gezek dünýä çempionatynda ýeňiji boldy. Mundan ozal Argentina 1978-nji we 1986-njy ýyllarda dünýä çempiony bolupdy.
Internet neşirleriniň materiallary esasynda taýýarlanyldy.
