18.08.2022. Türkiýe Respublikasynyň Konýa şäherinde tamamlanan V Yslam raýdaşlygy oýunlarynda Türkmen döwlet bedenterbiýe we sport institutynyň 4-nji ýyl talyby Gülzada Jorakulyýewa 55 kilograma çenli agram derejesinde kümüş medal gazandy.
Türkmenistanyň kikboks boýunça milli ýygyndysynyň türgeni Gülzada Jorakulyýewa medallar ugrundaky göreşde Özbegistan, Azerbaýjan, Türkiýe Respublikasy, Gazagystan, Alžir, Marokko, Kamerun döwletleriniň türgenleri bilen bäsleşdi.
Türkmenistanly türgenler V Yslam raýdaşlygy oýunlarynda dürli görnüşli medallaryň 23-sine mynasyp boldular.
