Türkmen döwlet bedenterbiýe we sport institutynyň 3-nji ýyl talyby Zulhumar Daşkinowa V Yslam raýdaşlygy oýunlarynda baýrakly orny eýeledi. Ol 63 kilograma çenli agram derejesinde çykyş edip, bürünç medala mynasyp boldy.
Zulhumar Daşkinowa bu bäsleşikleriň dowamynda Eýran Yslam Respublikasynyň we Kamerun döwletiniň türgenleri bilen medallar ugrunda göreşdi.
Konýa şäherinde (Türkiýe Respublikasy) geçirilýän V Yslam raýdaşlygy oýunlarynda türkmen dzýudoçylarynyň 11-si çykyş edýär. Bu bäsleşiklerde Türkmenistana jemi 81 türgen we 2 emin wekilçilik edýär.
