Paýtagtyň «Altyn asyr» futbol topary futbol boýunça Aşgabadyň kubogynyň eýesi boldy. Türkmenistanyň 8 gezek çempiony bolan topar finalda Aşgabady 2:0 hasabynda ýeňip, bu üstünlige ýetdi.
Oýun paýtagtyň Býuzmeýin etrabyndaky stadionda geçirildi.
Türkmenistanyň 46 ýaşly at gazanan tälimçisi Ýazguly Hojageldýew «Türkmenaragatnaşyk» agentliginiň toparyny Aşgabadyň kubogynda ýeňşe ýetirdi.
3-nji orun ugrundaky oýunda paýtagtyň «Köpetdagy» «Ahalyň» ýaşlar toparyny 3:1 hasabynda ýeňdi.
Aşgabat kubogy 4 toparyň gatnaşmagynda geçirildi. Bu ýaryş «Altyn asyr» üçin 24-nji iýunda Duşenbe şäherinde geçiriljek AFK-nyň kubogynyň (2022) toparçalaýyn tapgyrynyň bäsleşigine oňat taýýarlyk boldy.
