Türkmenistanyň zenanlaryň arasyndaky futzal çempionaty «Aşgabat» toparynyň ýeňşi bilen tamamlandy.

Jemleýji oýunda «Aşgabadyň» futzalçy zenanlary «Balkan» toparyny 5:0 hasabynda ýeňdiler. 2-nji we 3-nji orunlary degişlilikde «Ahal» we «Lebap» toparlary eýelediler.

Mariýa Çaryýewa («Aşgabat») 4 pökgi bilen ýaryşyň iň netijeli futzalçysy boldy. Maýa Musasskaýa («Aşgabat») ýaryşyň iň ökde oýunçysy, Bahar Halylowa («Ahal») ýaryşyň iň ökde derwezeçisi diýlip yglan edildi.

Çempionata zenanlaryň futzal toparlarynyň 4-si («Aşgabat», «Balkan», «Ahal», «Lebap») gatnaşyp, olaryň aýlawly ýaryşda çempiony kesgitländiklerini ýatladýarys.

 www.tff.сom.tm