«Türkmenistan Sport» halkara žurnalynyň «7/24.tm» elektron goşundysynyň 70-nji sany 27-nji sentýabrda «www.metbugat.gov.tm» we «www.turkmenmetbugat.gov.tm» internet sahypalary hem-de «Türkmenmetbugat» mobil goşundysy arkaly okyjylara ýetirildi.
Türkmenistanyň Sport we ýaşlar syýasaty ministrliginiň garamagyndaky neşiriň nobatdaky sany mukaddes Garaşsyzlygymyzyň 30 ýyllyk şany senesine bagyşlanypdyr.
Türkmen döwletiniň Garaşsyzlyk baýramy mynasybetli dabaralaryň geçirilýän güni okyjylara gowşan žurnalda 30 ýylda gazanylan üstünlikler bilen tanyşdyrylýar. Şeýle-de, bu neşiriň sahypalarynda esasan sportdaky we ýaşlaryň durmuşyndaky özgerişlikler giňişleýin beýan edilipdir.
«Türkmenistan Sport» halkara žurnalynyň «7/24.tm» elektron goşundysynyň 1-nji sany 2020-nji 1-nji iýunynda ilkinji gezek «www.metbugat.gov.tm» internet sahypasy arkaly okyjylara elýeterli edilipdi.
Hojaberdi APBAÝEW.
