Türkmenistanyň Prezidenti Bilimler we talyp ýaşlar güni hem-de täze okuw ýylynyň başlanmagy mynasybetli umumy okuw sapagyny geçirdi. Bu taryhy waka mynasybetli Türkmenistanyň Sport we ýaşlar syýasaty ministrliginde dabaraly maslahat geçirildi.
Maslahata Türkmenistanyň Sport we ýaşlar syýasaty ministrliginiň garamagyndaky edara-kärhanalaryň, guramalaryň we Aşgabat şäheriniň sport we ýaşlar syýasaty Baş müdirliginiň wekilleri gatnaşdylar.
Çykyş edenler Türkmenistanyň Prezidentiniň ýaşlar hakynda yzygiderli alada edip, olaryň döwrebap bilim almagy üçin ähli şertleri döredýändigini buýsanç bilen nygtadylar. Bu bolsa türkmenistanly ýaşlary ata Watanymyzyň we halkymyzyň hatyrasyna täze üstünlikleri gazanmaga ruhlandyrýar.
