Ýaş olimpiýaçylary taýýarlaýyş mekdebine 2021-2022-nji okuw ýylynda okuwa girmäge isleg bildirýän 2008-nji ýylda doglan 7-nji synpy tamamlaýan okuwçylaryň dykgatyna
Ýaş olimpiýaçylary taýýarlaýyş mekdebine sportuň agyr atletika, woleýbol, basketbol, boks, dzýu-do we sambo göreşi, erkin we grek-rim göreşi, guşakly göreş, hokkeý, figuralaýyn typmak, suwda ýüzmek, tigir sporty, tennis hem-de karate-do görnüşleri boýunça ýurdumyzyň ähli welaýatlaryndan we Aşgabat şäherinden okuwçylar kabul edilýär.
Okuwa girmäge isleg bildiren okuwçylaryň resminamalary 2021-nji ýylyň 05-31-nji iýuly aralygynda ýokarda görkezilen sportuň görnüşleri boýunça Aşgabat şäherinde Ýaş olimpiýaçylary taýýarlaýyş mekdebinde kabul edilýär. Okuwçylaryň medisina barlagy, synag esasynda saýlap-seçip almak bäsleşigi, 2021-nji ýylyň 02-20-nji awgusty aralygynda geçirilýär.
Salgysy: Aşgabat şäheri, Ata-türk köçesi jaý 21.
Habarlaşmak üçin telefon belgisi: 21-26-40.
Giňişleýin maglumaty https://metbugat.gov.tm/ saýtyndan, Türkmensporty gazetiniň 03.07.2021ý sanyndan girip alyp bilersiňiz
