Mary welaýatynyň Sport we ýaşlar syýasaty Baş müdirliginiň düzümindäki sport mekdepleri sport bilen meşgullanmak boýunça degişli çäreler yzygiderli geçirýärler.

Ýaňy-ýakynda sportuň futbol görnüşi boýunça Mary şäheriniň “Bagtyýarlyk” sport desgasynda 2010-njy ýylda doglan türgenleriň arasynda welaýat birinjiligi geçirildi.

Ýaryşa Mary şäheriniň Ýöriteleşdirilen Olimpiýa ätiýaçlyk sport mekdebinden 2 topar, 2-nji, 3-nji we 5-nji sport mekdeplerinden, şeýle-de Wekilbazar, Sakarçäge etraplarynyň sport mekdeplerinden türgenler gatnaşdylar.

Çekeleşikli geçen ýaryşda 1-nji orna Mary şäheriniň Ýöriteleşdirilen Olimpiýa ätiýaçlyk sport mekdebiniň tälimçisi Seýitmuhammet Mollaýewiň taýýarlan türgenler topary mynasyp boldy.

2-nji orna Sakarçäge etrabynyň sport mekdebiniň türgenleri, 3-nji orna bolsa 5-nji sport mekdebiniň türgenler topary mynasyp boldy.

 Ogulgöwher GURBANOWA, 

Mary şäheriniň Ýöriteleşdirilen Olimpiýa ätiýaçlyk sport mekdebiniň usulyýetçisi.