2020-nj ýylyň 8-nji oktýabrda 14-nji tapgyryň çäginde duşuşyklaryň 4-si geçirildi. Bu tapgyrda «Serhetçiden» uly hasap bilen üstün çykan «Köpetdag» topary ýaryş tertibinde birinji basgançagy eýelemegini dowam edýär.

«Köpetdag» toparyna tälim berýän Mergen Orazowdyr toparyň ýolbaşçysy Şöhrat Durdyýewiň bu ugurda yhlaslarynyň örän ýokarydygyny bellemek gerek.

Tapgyryň beýleki duşuşyklarynda «Senagatbank» «Olimpden», «Deňizçi» «Gümrükçiden» üstün çykdylar. «Daýhanbank» bilen «Migrasiýanyň» arasyndaky duşuşyk bolsa deňlikde tamamlandy.

Futzal boýunça ýurdumyzyň Naýbaşy ligasynyň 15-nji tapgyrynyň duşuşyklary 10-njy oktýabrda geçiriler.