2020-nji ýylyň 8-nji oktýabrynda Welosipedçileriň halkara birleşiginiň (UСI) ýolbaşçysy Dawid Lappartýen bilen Türkmenistanyň Sport we ýaşlar syýasaty ministrliginiň, Türkmenistanyň Daşary işler ministrliginiň, Türkmenistanyň Milli Olimpiýa komitetiniň hem-de Türkmenistanyň Welosport federasiýasynyň wekilleriniň arasynda wideo aragatnaşyk arkaly duşuşyk geçirildi.
Duşuşykda oňa gatnaşanlar 2021-nji ýylda Aşgabat şäherinde Welotrek boýunça dünýä çempionatyny ýokary derejede geçirmek bilen bagly guramaçylyk meselelerini ara alyp maslahatlaşdylar.
2018-nji ýylda Halkara welosipedçiler birleşigi Aşgabada dünýä çempionatyny geçirmek hukugyny beripdi.
