Ýurdumyzyň ýokary okuw mekdepleriniň talyplarynyň arasynda geçirilýän «Türkmenistan sagdynlygyň we ruhubelentligiň ýurdy» alty XII Uniwersiada oýunlary oglanlaryň arasynda geçirilýän fulbol ýaryşy bilen başlady. Türkmen döwlet medeniýet institutynyň futbol meýdançasynda geçirilen bu ýaryşda ilkinji duşuşygy geçirmek Türkmen döwlet medeniýet institutynyň talyplarynyň we Myrat Garryýew adyndaky TDLU-nyň talyplarynyň paýyna düşdi.

Ýaryş turuwbaşdan çekeleşikli bolup, duşuşygyň 16-njy minudynda Şazada Gurbanberdiýewiň hasaby açmagy bilen, Türkmen döwlet medeniýet instituty öne saýlandy. Birinji ýarymyň tamamlanmagyna az wagt galanda, medeniýet institutynyň talyplary 11 metrlik jerime urgusyndan peýdalanyp, hasaby artdyrdylar. Ikinji ýarymda geljekki lukmanlar tapawutlandylar. Şeýlelikde, oýun 2:1 hasabynda tamamlandy. Ilkinji oýundaky ýeňiş talyplarymyzda ynam döretdi we olary täze üstünliklere ruhlandyrdy.

Begmyrat BALAKAÝEW,

Türkmen döwlet medeniýet instituty.