Gazagystanyň Milli Olimpiýa Komitetiniň habaryna görä, Halkara agyr atletika federasiýasy (IWF) ýaryşlaryň senenamasyna düzedişleri girizdi. Şeýlelikde, esasy üýtgeşmeler ýetginjekleriň we ýaşlaryň arasyndaky yklymlaýyn çempionatlar bilen bagly boldy.
Şol bir wagtyň özünde Daşkende geçiriljek Aziýa çempionaty barada käbir maglumatlar peýda boldy. Federasiýa yklym çempionatyny 2021-nji ýylyň martynda geçirmegi meýilleşdirýär.
Ýaryşyň takyk senesi soň yglan ediler. Ol erkekleriň arasyndaky 49-njy, zenanlaryň arasyndaky 30-njy Aziýa çempionaty bolar.
Bu çempionatyň Gazagystandan Özbegistana geçirilendigini we pandemiýa sebäpli yza süýşürilendigini ýatladýarys.
