Grek-rim göreşi, erkin göreş we zenanlaryň arasyndaky göreş boýunça 2021-nji ýyldaky Aziýa çempionaty Gazagystanyň Almaty şäherinde geçiriler. Bu barada «www.unitedworldwrestling.org» saýty habar berýär.

Yklym birinjiliginiň  2021-nji ýylyň 16-21-nji fewral aralygynda geçirilmegine garaşylýar.

Göreş boýunça Aziýa çempionaty 1979-njy ýyldan bäri yzygiderli geçirilip gelinýär.

1996-njy ýylda onuň maksatnamasyna zenanlaryň arasyndaky ýaryşlar hem goşuldy.

Nobatdaky dünýä çempionatynyň bolsa dekabr aýynda Serbiýanyň Belgrad şäherinde geçirilmegine garaşylýar.

Aziýanyň saýlama ýaryşlary 2021-nji ýylyň 26-28-nji martynda Sianda (Hytaý) geçiriler.