Türkmenistanyň «Sport» teleýaýlymynda Türkmenistanyň Sport we ýaşlar syýasaty ministrligi bilen bilelikde taýýarlanylýan «Sport metbugatda» gepleşiginiň nobatdaky sany 2020-nji ýylyň 25-nji sentýabrda, ýagny mukaddes Garaşsyzlygymyzyň 29 ýyllyk şanly baýramynyň öňüsyrasynda ýaýlyma berildi.
Gepleşigiň täze sanynda sportuň täze görnüşi bolan tekboldan, futzaldan, Olimpiýa oýunlarynyň taryhyndan söhbet açylyp, sportuň we bedenterbiýäniň saglyga peýdasy hakyndaky gürrüňler bilen dowam etdirilýär.
«Sport metbugatda» gepleşigine goşulan täze sahypalaryň biri bolan «7/24.tm» hepdelik elektron goşundysynyň täze sanyna berilýän syn hem okyjylary gyzyklandyrsa gerek. Bu sahypany «Türkmenistan Sport» halkara žurnalynyň habarçysy Aýbölek Ärnazarowa alyp barýar.
Gepleşigiň dowamynda Türkmenistan Watanymyzda Garaşsyzlyk ýyllary içinde ýetilen sepgitler hakynda buýsançly gürrüň edildi.
www.msy.gov.tm
