«Türkmenistan: Sport» teleýaýlymynda Türkmenistanyň Sport we ýaşlar syýasaty ministrligi bilen bilelikde taýýarlanylýan «Sport metbugatda» gepleşiginiň täze sany 2020-nji ýylyň 4-nji sentýabrynda ýaýlyma berildi.
Gepleşigiň täze sanynda tennisden, futbol bilen sungatyň arabaglanyşygyndan we sportuň beýleki görnüşlerinden söhbet açyldy.
«Sport metbugatda» gepleşigine goşulan täze sahypalaryň biri bolan «7/24.tm» hepdelik elektron goşundysynyň täze sanyna berilýän syn hem okyjylary gyzyklandyrsa gerek. Bu sahypany «Türkmenistan Sport» halkara žurnalynyň habarçysy Aýbölek Ärnazarowa alyp barýar.
Gepleşigiň dowamynda hormatly Prezidentimiziň sporty ösdürmek babatda döredýän ajaýyp mümkinçilikleri, sportuň saglyga peýdasy, sagdyn durmuş ýörelgesiniň ähmiýeti, şeýle-de Türkmenistanyň Sport we ýaşlar syýasaty ministrliginiň resmi saýty hakynda gürrüň edildi.
