Türkmenistanly futbol hünärmeni, Aziýanyň Futbol Konfederasiýasynyň futzal boýunça eminleriniň gözükdirijisi Wadim Baratow 1-3-nji sentýabr aralygynda Täjigistanyň Futbol federasiýasynyň futzal eminleridir gözegçi eminleri bilen halkara onlaýn-maslahatyny geçirdi.

Ýeri gelende bellesek, onlaýn-maslahatyň dowamyda 2020/2021 möwsümlerinde futzalyň düzgünlerine girizilen täze düzgünler ara alnyp maslahatlaşyldy.

Okuw-maslahatyna  hünärmenleriň 20-den gowragynyň gatnaşandygyny bellemek gerek. Okuw-maslahatyň soňunda gatnaşyjylar ýörite synaglary tabşyrdylar.

www.tff.com.tm