Şu gün (01.09.2020) hormatly Prezidentimiziň gatnaşmagynda bilimler we talyp ýaşlar güni mynasybetli Türkmen döwlet bedenterbiýe we sport institutynyň Sportuň Olimpiýa görnüşleri fakultetiniň täze binalar toplumynyň we Türkmenistanyň Sport we ýaşlar syýasaty ministrliginiň täze binasynyň açylyş dabarasy geçirildi.
Dabara Türkmen döwlet bedenterbiýe we sport institutynyň professor-mugallymlary, talyplary, şeýle-de sport hünärmenleri gatnaşdylar. Hormatly Prezidentimiziň türgen talyplara sowgat eden ajaýyp binalar toplumy bolan Sportuň olimpiýa görnüşleri fakultetiniň esasy binasy we köpugurly sport toplumy dünýä ülňülerine laýyk gelýän döwrebap sport enjamlary bilen enjamlaşdyryldy.
Bu bolsa her bir türgeniň, talybyň saýlap alan hünärine ugrukmagyna, kämilleşmegine we geljekki ezber tälimçileri, sport ussatlaryny ýetişdirmek üçin mümkinçilik berer.
Gunça GURBANMÄMMEDOWA,
Türkmen döwlet bedenterbiýe we sport institutynyň Sport žurnalistikasy hünäriniň talyby.
