Türkmenistanyň futbol çempionatynyň 11-nji tapgyrynyň jemleýji oýun güni iki duşuşyk geçirildi.

Paýtagtymyzda geçirilen duşuşykda «Altyn asyr» myhmançylykda «Köpetdagy» 2:1 hasabynda ýeňlişe sezewar etdi.

Türkmenbaşyda ýerli «Şagadam» bilen «Ahalyň» arasynda geçirilen duşuşyk 1:2 hasabynda myhmanlaryň peýdasyna tamamlandy.

Şeýlelikde, 21 utugy bolan «Altyn asyr» birinji orny eýeleýär. Ikinji we üçünji orunlary degişlilikde «Ahal» (21 utuk) bilen «Aşgabat» (16 utuk) toparlary eýeleýärler.

Futbol çempionatymyzyň 12-nji tapgyrynyň duşuşyklary 1-nji hem-de 2-nji iýunda geçirilip, onda «Altyn asyr» – «Energetik», «Nebitçi» – «Aşgabat», «Merw» – «Şagadam» hem-de «Ahal» – «Köpetdag» toparlary duşuşarlar.