Golaýda sportuň basketbol 3x3 görnüşi boýunça ýetginjek oglanlaryň we gyzlaryň (U-18) arasynda Türkmenistanyň birinjiligi tamamlandy.
Aşgabat şäherindäki Halkara Nebit we gaz uniwersitetiniň sport desgasynda guralan bu ýaryşda oglanlar 16 toparda, gyzlar 12 toparda toparda bäsleşdiler.
Oglanlaryň arasyndaky ýaryşyň netijesinde Balkan-1 topary I orna, Lebap-1 topary II orna, Aşgabat-1 topary III orna mynasyp boldy.
Gyzlaryň arasyndaky ýaryşyň netijesinde Lebap-2 topary I orna, «Aýlar» topary II orna, Lebap-3 topary III orna eýelik etdi.
Ýaryşda ýeňiji bolan toparlara Türkmenistanyň Sport we ýaşlar syýasaty ministrliginiň Hormat hatlary hem-de Türkmenistanyň basketbol federasiýasynyň medallary we kubogy gowşuryldy.
Abadan AMANBERDIYEWA,
TDBSI-niň mugallym-öwrenijisi.
