Türkmenistanyň futbol çempionatynyň 9-njy tapgyrynyň jemleýji duşuşygynda çempionlyk ugrundaky göreşiň esasy dalaşgärleri «Ahal» bilen «Altyn asyr» toparlary duşuşdylar.

«Aşgabat» köpugurly stadionynda geçirilen duşuşykda netijeli oýun görkezen «Altyn Asyr» topary 2:1 hasabynda üstün çykdy. «Altyn asyra» ýeňiş getiren gollary Mihail Titow bilen Altymyrat Annadurdyýew tora saldy.

Şeýlelikde, geçirilen duşuşyklardan soň 18 utuk toplan «Altyn asyr» ýaryş tablisasynda 1-nji orna geçmegi başardy. Ikinji orny eýeleýän «Ahal» topary hem 18 utuk toplady. Ýöne özaralaryndaky duşuşyklaryň netijelerine görä «Altyn asyr» birinji orny eýeleýär. «Ahalyň» garşydaşyna garanyňda bir duşuşygy az geçirendigini ýatladýarys.

Ýurdumyzyň futbol çempionatynyň 10-njy tapgyry 23-nji hem-de 24-nji maýda geçiriler: «Aşgabat» – «Energetik», «Nebitçi»  – «Köpetdag», «Merw» – «Ahal», «Altyn asyr» – «Şagadam».

www.tff.com.tm