Ýakynda Türkmenistanyň Sport we ýaşlar syýasaty ministrligi bilen ýurdumyzyň Gandbol federasiýasynyň bilelikde guramagynda sportuň gandbol görnüşi boýunça zenanlaryň arasynda Türkmenistanyň çempionaty geçirildi ― diýip, «Türkmenistan» gazeti habar berýär.
Aşgabat şäherindäki «Galkynyş» sport desgasynda geçen çempionata jemi 6 topar gatnaşyp, «Aşgabat» topary 1-nji, «Balkan» topary 2-nji, «Mary» topary bolsa 3-nji orna mynasyp boldy.
Şeýle-de, Täzegül Serdarowa «Çempionatyň iň köp gol geçiren oýunçysy», Aýnabat Mämmedowa «Çempionatyň iň gowy derwezebany», Jennet Döwranowa «Çempionatyň iň gowy goragçysy» diýen baýraklary eýelediler.
Ýeňijilere Türkmenistanyň Sport we ýaşlar syýasaty ministrliginiň Hormat hatlarydyr Türkmenistanyň gandbol federasiýasynyň gymmat bahaly sowgatlary gowşuryldy.
