Golaýda sportuň boks görnüşi boýunça 2004-2005-nji ýyllarda doglan ýetginjekleriň arasynda «Olimp» orta sport mekdebiniň we Aşgabat şäheriniň açyk birinjiligi tamamlandy.

 Aşgabat şäheriniň Gökje obasynyň 4-nji sport mekdebinde guralan bu ýaryşa 8 topardan 85-den gowrak türgenler 12 agramda bäsleşdiler.

 Gyzgalaňly geçen ýaryşyň netijesinde M.Yklymow (46 kg.), S.Matmuradow (48 kg.), M.Guljaýew (50 kg.), B.Mämmetgeldiýew (52 kg.), M.Babaýew (54 kg.), G.Ylýasow (57 kg.), B.Çarymyradow (60 kg.), H.Merdanow (63 kg.), Ş.Arazdurdyýew (66 kg.), M.Saryýew (70 kg.), B.Konstantinow (75 kg.), A.Şöhratgeldiýew (+81 kg.) dagylar öz agramlarynda I orna eýe bolup, ýeňişlerini baýram etdiler.

Ýaryşda baýrakly orunlara mynasyp bolan türgenlere «Olimp» orta sport mekdebiniň Hormat hatlary we Türkmenistanyň demokratik partiýasynyň Aşgabat şäher komitetiniň gymmat bahaly sowgatlary gowşuryldy.

Bu bäsleşik köpçülikleýin habar beriş serişdelerinde ýazgy edildi.

Döwranberdi AMANBERDIYEW,

 «Olimp» orta sport mekdebiniň instruktor-metodisti.