Ýurdumyzyň futbol çempionatynyň 6-njy tapgyrynyň çäginde duşuşyklaryň 3-si geçirildi.

Paýtagtymyzda «Altyn asyr» bilen «Aşgabat» toparlarynyň arasynda geçirilen duşuşykda olaryň ilkinjisi 4:1 hasabynda ýeňiş gazandy. Bu ýeňişnden soň 12 utuk toplan ýurdumyzyň çempiony ýaryş tablisasynda birinji orna geçdi. «Aşgabat» liderden 2 utuk yzda barýar.

Ýaryşyň ozalky öňdebaryjysy «Ahalyň» 5-nji maýda öz meýdançasynda «Energetigi» kabul edýändigini ýatladýarys.

6-njy tapgyryň duşuşygyny 5-nji maýda geçirýän «Ahal» toparynyň hem häzirlikçe 12 utuk toplandygyny aýtmak gerek. Ýöne özaralarynda geçirilen duşuşygyň netijesinde «Altyn asyr» öňdeligi eýeleýär.

Oýun gününiň beýleki duşuşyklarynda «Şagadam» öz meýdançasynda «Köpetdagy» 1:0 hasabynda ýeňdi. «Merw» bolsa Balkanabadyň «Nebitçisinden» üstün çykdy – 2:0.

Ýurdumyzyň futbol çempionatynyň 7-nji tapgyrynyň duşuşyklary 8-9-njy maýda geçiriler.

www.tff.com.tm