Golaýda sportuň basketbol görnüşi boýunça U-18 (2002-2003; oglanlar) ýetginjekleriň arasynda Türkmenistanyň birinjiligi tamamlandy. Aşgabat şäheriniň Halkara Nebit we gaz uniwersitetiniň sport desgasynda guralan bu ýaryşda 8 topardan ezber oýunçylar bäsleşdiler.

Gyzgalaňly geçen ýaryşyň netijesinde Balkan welaýatynyň ýygyndysy I orna, Aşgabat şäheriniň ýygyndysy II orna, «Olimp» orta sport mekdebiniň ýygyndysy III orna mynasyp boldular.

Ýaryşda ýeňiji bolan toparlara Türkmenistanyň Sport we ýaşlar syýasaty ministrliginiň Hormat hatlary hem-de Türkmenistanyň Basketbol federasiýasynyň medallary we kubogy gowşuryldy.

Abadan AMANBERDIYEWA,

Türkmen döwlet bedenterbiýe we sport institutynyň mugallym-öwrenijisi.