Maryda hem-de Aşgabatda duşuşyklaryň ikisi bilen Türkmenistanyň futbol çempionatynyň 5-nji tapgyryna badalga berildi. Marynyň «Energetik» stadionynda geçirilen duşuşykda paýtagtymyzyň «Altyn asyr» topary ýer eýeleri «Energetik» bilen 1:1 hasabynda deňme-deň oýnady.

Aşgabatda «Köpetdag» bilen «Ahalyň» arasyndaky duşuşyk 1:0 hasabynda myhmanlaryň peýdasyna tamamlandy. «Ahala» ýeňiş getiren topy 11 metrlik urgusyndan Elman Tagaýew öz adyna ýazdyrdy.

Şeýlelikde, 4 oýunda 12 utuk toplan «Ahal» ýaryş tablisasynda birinji basgançagy eýeleýär.

Ýurdumyzyň futbol çempionatynyň 5-nji tapgyry 26-njy aprelde «Aşgabat» – «Nebitçi» hem-de «Şagadam» – «Merw» toparlarynyň arasyndaky duşuşyk bilen tamamlanar.

www.tff.com.tm