Golaýda Türkmenistanyň Sport we ýaşlar syýasaty ministrliginiň guramagynda sport ýaryşlary hem-de Aşgabat şäheriniň sport we ýaşlar syýasaty Baş müdirliginiň sport mekdepleriniň, şeýle-de, Türkmen döwlet bedenterbiýe we sport institutynyň türgenleriniň gatnaşmagynda görkezme çykyşlary guraldy.

«Aşgabat» köpugurly stadionynda ýaýbaňlanan dabaranyň başynda sport ussatlarynyň, tälimçilerdir ýaş türgenleriň, köpçülikleýin habar beriş serişdeleriniň, şeýle-de, jemgyýetçilik guramalarynyň wekilleriniň gatnaşmagynda geçirilen dabaranyň başynda beden maşklary ýerine ýetirildi.

Ýokary gurmaçylykda geçirilen bu dabara biziň mekdebimiziň türgenlerimiz hem işjeň gatnaşyp, Sport mekdebinde hereket edýän sport görnüşleri boýunça görkezme çykyşlaryny ýerine ýetirdiler.

Sport mekdebiniň türgenleri özleriniň çykyşlarynyň üsti bilen sagdyn durmuş ýörelgesiniň sportda jemlenýänligini görkezdiler. Sportuň ýurdumyzda barha giň gerime eýe bolýan görnüşlerini saýlap alan çagalaryň çykyşlary dabara gatnaşanlarda ýakymly täsir galdyrdy.

Aýna ATDAÝEWA,

Türkmenistanyň Sport we ýaşlar syýasaty ministrliginiň Sport mekdebiniň direktorynyň orunbasary.