Lebap welaýatynyň Sport we ýaşlar syýasaty Baş müdirliginiň guramagynda sagdyn durmuş ýörelgesini wagyz etmek we çagalara arassaçylygyň düzgünlerini öwretmek boýunça meýilnamalaýyn işler yzygiderli geçirilip durulýar.

Welaýatyň çäginde 51 sany sport mekdebi, 7 sany sport desgasy hereket edip, olarda gündelik zyýansyzlandyryş serişdeleri bilen arassaçylyk işleri geçirilýär hem-de bu babatda düşündiriş işleri alnyp barylýar.

Şu gün bolsa Türkmenabat şäheriniň 5-nji we 6-njy sport mekdeplerinde wagyz-nesihat çäreleri geçirildi. Şolaryň dowamynda arassaçylyk serişdeleriniň ulanylyşy hakynda, türgenleşige gelýän türgenler bilen alnyp barylýan işler barada çykyşlar diňlenildi.

Wagyz-nesihat çärelerine sport mekdepleriniň lukmanlary, şeýle-de, Lebap welaýat saglygy goraýyş müdirliginiň hünärmenleri gatnaşdylar.

www.msy.gov.tm