Türkmenistanyň sport we ýaşlar syýasaty ministrliginiň Futbol boýunda geljekki olimpiýaçylaryň ýöriteleşdirilen çagalar-ýetginjekler sport mekdebiniň guramagynda «Aşgabat» köpugurly stadionynda «Futboluň saglyga peýdasy» diýen at bilen wagyz-nesihat duşuşygy geçirildi.

Duşuşyga ady agzalan sport mekdebiniň ýaşajyk futbolçylary gatnaşdylar. Olaryň öňünde Futbol boýunda geljekki olimpiýaçylaryň ýöriteleşdirilen çagalar-ýetginjekler sport mekdebiniň direktory Azat Muhadow çykyş etdi.

Sport mekdebiniň lukmany Çary Ataýew arassaçylyk kadalary barada gürrüň berdi. Tälimçi-mugallym Şyhmyrat Sabjanow futboluň saglyga peýdasy hakynda, usulyýetçi Begenç Garaýew «Türgenleriň taýýarlygy fiziki maşklaryň esasy» diýen mowzukda çykyş etdi.

Wagyz-nesihat duşuşygynyň ahyrynda tälimçi-mugallymlar Eziz Annamuhammedow bilen Hojaligurban Öwezowyň tälim berýän futbolçylary «Aşgabat» köpugurly stadionynyň meýdançasynda okuw-türgenleşiklerini we ýoldaşlyk duşuşygyny geçirdiler.

«Futboluň saglyga peýdasy» atly wagyz-nesihat duşuşygy «Türkmenistan: Sport» teleýaýlymy tarapyndan ýazgy edildi.

www.msy.gov.tm