2020-nji ýylyň 16-njy martynda Türkmenistanyň futbol çempionatynyň ýokary ligasynyň 3-nji tapgyrynyň duşuşyklarynyň 3-si geçirildi.  

Bu tapgyryň çäginde Marynyň «Merwini» 3:0 hasabynda ýeňlişe sezewar eden «Ahal» geçiren iki duşuşygynda 6 utuk toplap, ýaryş tertibinde birinji basgançaga geçmegi başardy.

Çempionatdaky ilkinji duşuşygyny geçiren geçen ýylyň çempiony «Altyn asyr» myhmançylykda «Şagadam» bilen 1:1 hasabynda deňme-deň oýnady.

Maryda ýerli «Energetik» bilen paýtagtymyzyň «Aşgabadynyň» arasyndaky duşuşyk 1:0 hasabynda myhmanlaryň peýdasyna tamamlandy.

Bu tapgyryň jemleýji duşuşygy 17-nji martda geçirilip, onda «Köpetdag» bilen «Nebitçi» toparlary duşuşarlar.

Futbol çempionatymyzyň nobatdaky duşuşygy 20-nji martda geçiriler. Şol gün birinji  tapgyryň wagty süýşürilen duşuşygynda «Altyn asyr» Marynyň «Merwini» kabul eder.

www.tff.com.tm