Ýakynda (12.03.2020) grek-rim boýunça 2000-2002-nji ýylda doglan türgenleriň arasynda Türkmenistanyň çempionaty tamamlandy. Aşgabat şäheriniň «Galkynyş» sport toplumynda guralan bu ýaryşda türgenler 10 agram derejesinde bäsleşdiler.

Çempionatyň netijesinde A.Şadyýew (55 kg.), Y.Kuwwatgeldiýew (60 kg.), D.Orazberdiýew (63 kg.), M.Jumaýew (67 kg.), B.Hamedow (72 kg.), M.Begnazarow (77 kg.), T.Orazow (82 kg.), D.Döwletgeldiýew (87 kg.), A.Kürräýew (97 kg.), A.Kurambaýew (130 kg.) dagylar öz agramlarynda I orna eýe bolup, ýeňşini baýram etdiler.

Geçirilen ýaryşyň jeminde toparlaýyn I orna Aşgabat şäheri, II orna Mary welaýaty, III orna bolsa Ýaş Olimpiýaçylary taýýarlaýyş mekdebi mynasyp boldy.

Ýaryşda baýrakly orny eýelemegi başaran türgenlere Türkmenistanyň Sport we ýaşlar syýasaty ministrliginiň, Türkmenistanyň sport göreş federasiýasynyň Hormat hatlary we medallary gowşuryldy.

Altyn REJEBOWA,

Türkmen döwlet bedenterbiýe we sport institutynyň sport žurnalistikasy hünäriniň talyby.