Ýaşlaryň arasynda bedenterbiýäni we sporty ösdürmekde yzygiderli işler durmuşa geçirilýär. Ýurdumyzyň dürli künjeginde geçirilýän sport ýaryşlary, wagyz-nesihat duşuşyklary bolsa uly subutnama bolup hyzmat edýär. Ine, muňa golaýda ýurdumyzyň welaýatlarynda geçirilen sport ýaryşlary arkaly göz ýetirip bilersiňiz.
***
Türkmenistanyň sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Ahal welaýat bölüminiň, welaýat sport we ýaşlar syýasaty hem-de welaýat Baş bilim müdirlikleriniň bilelikde gurnamagynda okuwçy gyzlaryň arasynda düzzüm boýunça Kaka etrabynyň birinjiligi geçirildi.
***
Şeýle hem Türkmenistanyň sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Lebap welaýat bölüminiň, Lebap welaýat sport we ýaşlar syýasaty we welaýat Baş bilim müdirlikleriniň bilelikde gurnamagynda kiçi futbol boýunça Lebap welaýatynyň Çärjew etrabynyň birinjiligi geçirildi. Ýaryş etrabyň 2-nji sport mekdebinde guraldy. Gyzgalaňly geçen ýaryşda I orny etrabyň 29-njy orta mekdebiniň ýygyndy topary, II orny etrabyň 2-nji orta mekdebiniň ýygyndy topary, III orny etrabyň 30-njy orta mekdebiniň ýygyndy topary eýelemegi başardy.
***
Lebap welaýatynda bolsa 2007-2008-nji ýyllarda doglan oglanlaryň we gyzlarynyň arasynda badminton boýunça welaýat birinjiligi geçirildi. Ýaryşyň netijesinde Çärjew etrabynyň ýygyndy topary I orna, Saýat etrabynyň ýygyndy topary II orna, Türkmenabat şäheriniň ýygyndy topary III orna eýe bolmagy başardy.
***
Şeýle-de Türkmenistanyň sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Lebap welaýat bölüminiň, Lebap welaýat sport we ýaşlar syýasaty hem-de welaýat Baş bilim müdirlikleriniň bilelikde gurnamagynda 8,9,10,11-nji synp okuwçylarynyň arasynda wagyz-nesihat duşuşygy guraldy. Duşuşyk Türkmenabat şäheriniň daşary ýurt dillerine ýöriteleşdirilen 3-nji orta mekdebinde «Sagdyn ýaşlar – bagtyýar geljek» atly şygar astynda geçirildi. Şunuň ýaly wagyz-nesihat duşuşygy «Bedenterbiýe we sport – sagdynlygyň we ruhubelentligiň çeşmesi» atly şygar astynda Türkmenabat şäheriniň 20-nji orta mekdebinde hem guraldy.
***
Daşoguz welaýatynda Türkmenistanyň sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Daşoguz welaýat bölüminiň, welaýat sport we ýaşlar syýasaty hem-de welaýat Baş bilim müdirlikleriniň bilelikde gurnamagynda hereketli sport tansy boýunça şäher birinjiligi geçirildi. Ýaryş Daşoguz şäheriniň 16-njy orta mekdebinde gyzlaryň arasynda guraldy.
***
Daşoguz welaýatynyň sport we ýaşlar syýasaty Baş müdirliginiň we TMÝG-niň Daşoguz welaýat geňeşi tarapyndan Gurbansoltan eje adyndaky etrabyň 4-nji çagalar we ýetginjekler sport mekdebinde agyr atletika boýunça ýaryş geçirildi. Ýaryşyň netijesinde oglanlaryň arasynda geçirilen ýaryşda N.Mansurow, K.Aşyrow we S.Nurmetow dagylar ýeňiji bolmagy başardy. Gyzlaryň arasynda A.Kerimbaýewa, A.Reýimbaýewa we G.Atahanowa dagylar ýeňiş gazanmagy başardylar.
***
«Türkmenistan – Bitaraplygyň mekany» ýylynda Balkan welaýatynyň Sport we ýaşlar syýasaty Baş müdirligi tarapyndan sambo boýunça oglanlaryň arasynda Balkan welaýatynyň açyk çempionaty geçirildi. Ýaryş 2000-2002-nji ýylda doglan türgenleriň arasynda 10 agram derejede guraldy. Balkanabat şäheriniň 1-nji sport mekdebinde geçen ýaryşyň netijesinde M.Begenjow (48 kg.), A.Belenow (52 kg.), W.Amanow (57 kg.), A.Meredow (62 kg.), D.Bugdaýlyýew(68 kg.), M.Ýusubow (74 kg.), N.Tagsanow (82 kg.), Y.Ýolamanow(90 kg.), G.Atabaýew (100 kg.), T.Haýdarow (+100 kg.) dagylar I orna mynasyp bolmagy başardylar.
***
Şeýle-de «Halkara zenanlar güni» mynasybetli Balkan welaýatynyň Sport we ýaşlar syýasaty Baş müdirliginiň, Balkan welaýat kärdeşler arkalaşy bilen bilelikde guramagynda Balkanabat şäheriniň edara-kärhanalarynda işleýän aýal-gyzlaryň arasynda woleýbol boýunça Balkanabat şäheriniň birinjiligi geçirildi. Balkanabat şäheriniň köp ugurly sport toplumynda guralan bu ýaryşa edara-kärhanalarda işleýän aýal-gyzlardan düzülen toparlar gatnaşdy. Ýaryşyň netijesinde «Türkmennebit» döwlet konserniň «Nebitçi» topary I orna, Balkan welaýat Baş bilim müdirliginiň «Bilim» topary II orna, Balkan welaýat maýyplaryň bedenterbiýe sport klubynyň «Sagdynlyk» topary III orna eýe bolmagy başardylar.
***
Balkanabat şäherindäki 2-nji sport mekdebinde we 21-nji orta mekdebinde okuwçy gyzlaryň arasynda «Halkara zenanlar gününe» bagyşlanyp Türkmenistanyň sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Balkan welaýat bölüminiň, TMÝG-niň Balkan welaýat geňeşiniň, welaýatyň Kärdeşler Arkalaşyklarynyň welaýat sport we ýaşlar syýasaty we Baş bilim müdirlikleriniň bilelikde gurnamagynda ýaryş geçirildi. Ýaryş futzal we stol tennisi boýunça guraldy.
Taýýarlan Gunça GURBANMÄMMEDOWA,
TDBSI-niň Sport žurnalistikasy hünäriniň talyby.
