Ýakynda 2002-2003-nji ýylda doglan oglanlaryň arasynda gandbol boýunça Türkmenistanyň birinjiligini almak ugrundaky ýaryşyň jemi jemlenildi.

Mary şäheriniň 1-nji sport mekdebinde geçirilen ýaryşda Aşgabat şäheriniň sport we ýaşlar syýasaty Baş müdirliginiň 8-nji we 11-nji sport mekdepleriniň türgenlerinden düzülen topar I orna mynasyp boldy. Aşgabat şäheriniň ýygyndysy milli birinjilige tejribeli tälimçiler Baýram Çulumbaýew bilen Nurgözel Öwezowanyň ýolbaşçylygynda taýýarlandy.

II orna lebaply türgenlerden düzülen topar mynasyp boldy. Balkan welaýatynyň türgenlerinden düzülen topar bolsa bäsleşigi III orunda tamamlady.

Türkmenistanyň Sport we ýaşlar syýasaty ministrliginiň we Türkmenistanyň gandbol federasiýasynyň guramagynda geçirilen ýaryşyň ýeňijilerine guramaçylar tarapyndan Hormat hatlary we sowgatlar gowşuryldy.

www.msy.gov.tm