Ýurdumyzda dürli ulgamlarda zähmet çekýän, bilim alýan zenanlara Halkara zenanlar güni mynasybetli Türkmenistanyň Prezidentiniň adyndan pul sowgatlarynyň gowşurylyş dabarasy geçirildi.
Şeýle dabara golaýda Türkmen döwlet bedenterbiýe we sport institutynda hem guraldy. Dabaranyň başynda tapawutlanan mugallymlara, talyplara we hünärmenlere ýokary okuw mekdebiniň adyndan ýörite sowgatlar gowşuryldy.
Şeýle hem «Sagdyn nesiller», «Talyplar», «Bäş ýyldyz» toparlary degişmedir, aýdym-sazlary ýerine ýetirdiler. Dabaranyň ahyrynda bije çekildi. Bijesi çykan zenanlara ýokary okuw mekdebiniň adyndan ýadygärlik sowgatlary gowşuryldy.
***
Halkara zenanlar güni mynasybetli dabaralar Daşoguz, Ahal, Mary, Balkan, Lebap welaýatlarynyň sport ulgamynda zähmet çekýän zenanlaryň arasynda hem geçirildi. Baýramçylygyň sebäpkärlerine Türkmenistanyň Prezidentiniň adyndan pul sowgatlary gowşuryldy.
www.msy.gov.tm
