2020-nji ýylyň 1-3-nji mart aralygynda Grek-rim göreşi boýunça 2005-2006-njy ýyllarda doglan ýetginjekleriň arasynda Mary welaýatynyň Mary şäheriniň 8-nji sport mekdebinde Türkmenistanyň çempionaty geçirildi.

Çempionata ýurdumyzyň paýtagtyndan we welaýatlaryndan 8 topar gatnaşdy: «Olimp» orta sport mekdebi, Ýaş olimpiýaçylary taýýarlaýyş mekdebi, Aşgabat şäheri, Ahal, Mary, Lebap, Daşoguz, Balkan welaýatlary.

Ýetginjek pälwanlar 9 agramda özara güýç synanyşdylar. Bu bäsleşiklerde grek-rim göreşi bilen meşgullanýanlaryň 120-den gowragy çykyş etdi.

Çempionatyň jemi jemlenende umumytoparlaýyn 1-nji orny Ýaş olimpiýaçylary taýýarlaýyş mekdebiniň türgenleri eýelediler.

  Döwranberdi AMANBERDIÝEW,

«Olimp» orta sport mekdebiniň instruktor-metadisti.