Golaýda «Türkmenistan – Bitaraplygyň mekany» ýyly mynasybetli Aşgabat şäheriniň orta mekdepleriniň okuwçylarynyň arasynda suwda ýüzmek boýunça ýaryş geçirildi.

Oglan gyzlaryň arasynda geçirilen bu bäsleşik «Olimpiýa» suw sport toplumynda guraldy.

Gyzgalaňly geçen ýaryşyň netijesi boýunça Aşgabat şäheriniň 44-nji orta mekdebi I orna, 6-njy orta mekdebi II orna, 15-nji orta mekdebi bolsa III orna eýe bolmagy başardy.

Ýaryşda baýrakly orna mynasyp bolan mekdeplere guramaçylar tarapyndan Hormat hatlar gowşuryldy.

Şyhy GAÝYÝEW,

TDBSI-niň Sport žurnalistikasy hünäriniň talyby.