Basketbol boýunça mekdep okuwçylarynyň arasynda Türkmenistanyň birinjiligi tamamlandy. Birinjilik Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň, Türkmenistanyň Bilim ministrliginiň bilelikde gurnamagynda geçirildi.

Ýaryş oglan-gyzlaryň arasynda guraldy. Bäsleşikleriň netijesi boýunça oglanlardan düzülen ýygyndy toparlaryň arasyndan Aşgabat şäher I orna, Balkan welaýaty II orna, Lebap welaýaty III orna mynasyp bolmagy başardy.

Gyzlardan düzülen ýygyndy toparlaryň bäsleşiginde Balkan welaýaty I orna, Daşoguz welaýaty II orna, Aşgabat şäheri III orna mynasyp boldy.

Ýaryşda baýrakly orunlary eýelemegi başaran ýygyndy toparlara guramaçylar tarapyndan Hormat hatlar gowşuryldy.

Azatmyrat AMANGULYÝEW,

TDBSI-niň Sport žurnalistikasy hünäriniň talyby.