«Türkmenistan – ruhubelentligiň we sagdynlygyň ýurdy» atly XI sport ýaryşlarynyň düzümine girýän erkekleriň arasyndaky kiçi futbol ýaryşy tamamlandy. Bu ýerde ýurdumyzyň ýokary okuw mekdepleriniň professor- mugallymlary bäsleşdiler.

Duşuşyklar 2020-nji ýylyň 18-26-njy fewraly aralygynda Türkmen döwlet maliýe institutynyň we Türkmen döwlet binagärlik gurluşyk institutynyň sport meýdançasynda geçirildi.

Netijede, Türkmen döwlet bedenterbiýe we sport instituty 1-nji orny, Türkmenistanyň Içeri işler ministrliginiň instituty 2-nji orny, Türkmen döwlet ykdysadyýet we dolandyryş instituty 3-nji orny eýeledi. Türkmen döwlet medeniýet instituty ýaryşy 4-nji orunda tamamlady.

Türkmenistanyň Sport we ýaşlar syýasaty ministrliginiň “Türkmenistan” Ýaşlar bedenterbiýe-sport guramasy bilen Türkmenistanyň Bilim ministrligi bu bäsleşikleriň guramaçysy bolup çykyş edýär.

 Ýunus ALLANAZAROW,

talyp.

Surata düşüren awtor.