26-njy fewralda Türkmenistanyň Sport we ýaşlar syýasaty ministrliginiň Futbol boýunça gelejekki olimpiýaçylaryň ýöriteleşdirilen çagalar-ýetginjekler sport mekdebi tarapyndan çagalaryň we ýetginjekleriň futbol boýunça tälimçileriniň okuw-türgenleşik sapaklaryny okatmagyň usulyny ýokarlandyrmak barada maslahatlaşmak üçin okuw maslahaty geçirildi. 

Okuw maslahatynda ilki bilen Futbol boýunça gelejekki olimpiýaçylaryň ýöriteleşdirilen çagalar-ýetginjekler sport mekdebiniň (GOÝÇÝSM-iň) diretkory Azat Muhadow çykyş etdi. Ol gün tertibindäki meýilnama laýyklykda edilmeli işler barada gürrüň etdi. 

Soňra çagalar-ýetginjekler futbolyň meseleleri we çözgütleri boýunça GOÝÇÝSM-iň usulýetçisi B.Garaýew çykyş etdi. Ol bu barada durmuşa geçirilýän, edilmeli işler barada aýtdy. Şeýle-de,okuw-türgenleşik sapagynyň usulýeti barada, häzirki döwrüň talaplaryna laýyk gelýän futbol tälimçisi hakynda gürrüň berdi.

Okuw-maslahatyň dowamynda hormatly Prezidentimiziň türkmen sportuny ösdürmek ugrunda alyp barýan işleri barada alkyş sözleri aýdyldy. 

  www.msy.gov.tm