Hormatly Arkadag Prezidentimiziň mejlisde geçiren duşuşygynda ýurdumyzda bedenterbiýäni we sporty ösdürmek, sagdyn durmuş kadalaryny ornaşdyrmak boýunça beren tabşyryklaryndan ugur alyp, Türkmenistanyň Mejlisi, Türkmenistanyň Sport we ýaşlar syýasaty ministrligi, Türkmenistanyň jemgyýetçilik guramalary hem-de talyp ýaşlar bilen bilelikde 2020-nji ýylyň 25-nji fewralynda Türkmen döwlet bedenterbiýe we sport institutynda dabaraly maslahat geçirildi.  

 Mundan başga-da, Hormatly Prezidentimiziň 2009-njy ýylyň 12-nji noýabrynda çykaran 10698 belgili Kararyna laýyklykda, Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy, Türkmenistanyň Bilim ministrligi bilelikde gurnamagynda ýurdumyzyň ýokary okuw mekdepleriniň professor- mugallymlarynyň arasynda «Türkmenistan – ruhubelentligiň we sagdynlygyň ýurdy» atly XI sport ýaryşlarynyň düzüminde bolan kiçi futbol (erkekler) boýunça ýaryşy 2020-nji ýylyň 18-26-njy fewraly aralygynda Türkmen döwlet Maliýe institutynyň we Türkmen döwlet binagärlik gurluşyk institutynyň sport meýdançasynda dowam edýär. 

 Şeýle hem, «Türkmenistan – Bitaraplygyň mekany» ýyly mynasybetli Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň, Türkmenistanyň Bilim ministrliginiň, Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde gurnamagynda 2020-nji ýylyň 25-nji fewralynda Aşgabat şäheriniň orta mekdepleriniň okuwçylarynyň arasynda Ýöriteleşdirilen küşt we şaşka mekdebinde sportuň küşt, düzzüm we şaşka görnüşleri boýunça sport ýaryşlary geçirildi.  

Küşt

I orun: 132-nji orta mekdebiniň topary;

II orun: 72-nji orta mekdebiniň topary;

III orun: «Döwletliler köşgüniň»topary;

Düzzüm

I orun: 28-nji orta mekdebiniň topary;

II orun: 8-nji orta mekdebiniň topary;

III orun: 37-nji orta mekdebiniň topary;

Şaşka

I orun: 8-nji orta mekdebiniň topary;

II orun: 72-nji orta mekdebiniň topary;

III orun: «Döwletliler köşgüniň»topary;

 Ýaşlarymyzy sporta çekmek, sagdyn-durmuş ýörelgesine eýermek, sportuň birnäçe görnüşleri boýunça ýaşlary höweslendirmek maksady bilen, Türkmenistanyň Sport we ýaşlar syýasaty ministrliginiň, Türkmenistanyň Bilim ministrliginiň hem-de Türkmen döwlet bedenterbiýe we sport insitutynyň bilelikdäki ylalaşylan meýilnamasy esasynda, Türkmen döwlet bedenterbiýe we sport institutynyň talyplarynyň önümçilik tejribesini geçýän döwründe 2020-nji ýylyň 25-nji fewralynda Aşgabat şäheriniň 85-nji orta mekdebinde, okuwçylaryň arasynda sportuň basketbol 3x3 görnüşi boýunça okuw türgenleşik sapaklary geçirildi.

 Şeýle hem, Balkan welaýatynyň Sport we ýaşlar syýasaty Baş müdirliginiň, Baş bilim müdirliginiň, «Türkmenistan» ÝBSG-nyň Balkan welaýat bölüminiň hem-de Balkan welaýatynyň Ýaşlar guramasynyň bilelikde gurnamagynda, Balkanabat şäheriniň 21-nji orta mekdebinde şäheriň orta mekdepleriniň zenan mugallymlarynyň arasynda woleýbol boýunça sport ýaryşy, hem-de mekdep okuwçylarynyň arasynda şaşka boýunça ýaryşlary ýokary derejede geçirilýär.

Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy.