2005-nji ýylda doglanlaryň arasynda woleýbol boýunça Aşgabat şäheriniň açyk birinjiligi geçirildi.

Aşgabat şäheriniň 8-nji sport mekdebinde geçirilen ýaryşa Aşgabat şäheriniň we Ahal welaýatynyň woleýbolçy toparlarynyň 8-si gatnaşdy.

«Ýedigen 1», «Ýedigen 2», «Täze zaman», Babarapdaky ýaş olimpiýaçylary taýýarlaýan sport mekdep-internaty, Türkmenbaşynyň «Olimp» suw toplumynyň «Köpetdag» topary, Aşgabat şäherindäki 112-nji orta mekdebiň «Nesil» topary hem-de «Garadaşaýak» toparlary öz aralarynda bäsleşdiler.

«Nesil» we «Köpetdag» toparlarynyň oýunçylarynyň Aşgabat şäherindäki 8-nji sport mekdebinde türgenleşýän woleýbolçy ýaşlardygyny ýatladýarys.

Ýaryşyň ýarym finalynda «Ýedigen 1» «Nesil» toparyndan, Babarapdaky ýaş olimpiýaçylary taýýarlaýan sport mekdep-internaty bolsa «Ýedigen 2» toparyndan üstün çykdy.

Finalda «Ýedigen 1»topary hem-de babaraply woleýbolçylar duşuşdylar. Çekeleşikli geçen bäsleşigiň jemi boýunça «Ýedigen 1» topary ýeňşini baýram etdi. 3-nji orun ugrundaky oýunda «Ýedigen 2» topary «Nesil» toparyny ýeňmegi başardy. (3:0)

Ýaryşyň ýeňijilerine Aşgabat şäheriniň Sport we ýaşlar syýasaty Baş müdirliginiň 8-nji sport mekdebiniň Hormat hatlary gowşuryldy.

Altyn REJEBOWA,

TDBSI-niň Sport žurnalistikasy hünäriniň talyby.