Nobatdaky möwsümiň öňüsyrasy taýýarlyk işlerini geçirýän Ýokary liganyň wekili, şeýle-de, ýaşlar toparlarymyz ýoldaşlyk duşuşyklaryny geçirdiler.

Paýtagtymyzyň Bagyr ýaşaýyş toplumynyň futbol meýdanynda geçirilen duşuşykda «Aşgabat II» hem-de «Altyn Asyr II» toparlary güýç synanyşdy. Bu duşuşykda ýer eýesi hökmünde çykyş eden «Aşgabat» toparynyň ýaşlar düzümi 3:2 hasabynda ýeňiş gazandy.

Bu duşuşykdan soňra paýtagtymyzda okuw-türgenleşik ýygnanyşygyny geçirýän Marynyň «Merwi» Gökje ýaşaýyş toplumynyň sport desgasynda «Altyn Asyr» toparynyň ýaşlar düzümi bilen duşuşdy. Bu duşuşyk 2:1 hasabynda «Altyn Asyr II» toparynyň ýeňşi bilen tamamlandy. Paýtagtymyzyň toparyna ýeňiş getiren toplary Şamämmet Hydyrow öz adyna ýazdyrdy. «Merwiň» ýeke-täk topuny bolsa 11 metrlik urgusyndan Begenç Alamow geçirmegi başardy.

www.tff.com.tm