«Türkmenistan - Bitaraplygyň mekany» ýylynda ýaş neslimiziň işjeňligini has-da artdyrmak we olaryň arasynda sagdyn durmuş ýörelgesini giňden ornaşdyrmak maksady bilen ýurdumyzyň orta mekdeplerinde we çagalar baglarynda ýaryşlar we wagyz-nesihat çäreleri dowam edýär. «Türkmenistan» Ýaşlar bedenterbiýe-sport guramasy tarapyndan ýokary derejede geçirilýän sport ýaryşlarynyň eýýäm birnäçesi tamamlandy.
Lebap welaýatynyň Farab etrabynyň orta mekdepleriniň okuwçylarynyň arasynda sagdyn durmuş ýörelgesini wagyz etmek, sporta çekmek, watansöýüjiligi artdyrmak maksady bilen wagyz-nesihat çäresi geçirildi.
***
«Türkmennebit» döwlet konserniň «Nebit gaz burawlaýyş» trestiniň «Burnebitgaz hyzmat» müdirliginiň tehniki wagyz ediş we durmuş maksatly hyzmatlar merkezinde wagyz-nesihat çäresi gurnaldy.
***
Basketbol boýunça Aşgabat şäheriniň birinjiligini almak ugrunda ýaryşy geçirildi. Aşgabat şäheriniň 76-njy orta mekdebinde geçirilen bu ýaryşa okuwçy gyzlar gatnaşdy. Ýaryşda Aşgabat şäheriniň 18-nji, 53-nji, 7-nji orta mekdepleri degişlilikde I, II, III orunlara mynasyp boldular.
***
Balkan welaýatynyň Türkmenbaşy şäheriniň 10-njy orta mekdebinde okuwçylaryň arasynda şaşka boýunça ýaryş geçirildi. Ýaryşyň netijesi boýunça ähli baýrakly orunlary Türkmenbaşy şäheriniň orta mekdepleri mynasyp bolmagy başardy. Türkmenbaşy şäheriniň 5-nji orta mekdebi I orna, 4-nji orta mekdebi II orna, 12-nji orta mekdebi bolsa III orna mynasyp bolmagy başardy.
***
Balkan welaýatynyň Magtymguly etrabynyň sport mekdebinde orta mekdepleriniň okuwçylarynyň arasynda woleýbol boýunça ýaryşy geçirildi. Oglanlaryň arasynda geçirilen ýaryşyň netijesi boýunça Magtymguly etrabynyň 2-nji orta mekdebi I orny, 19-njy orta mekdebi II orny, 13-nji orta mekdebi bolsa III orny eýelemegi başardylar.
***
Lebap welaýatynyň Türkmenabat şäheriniň 33-nji orta mekdebinde orta mekdepleriniň okuwçylarynyň arasynda basketbol boýunça welaýat birinjiligi geçirildi. Oglanlaryň arasynda guralan bu ýaryşda Türkmenabat şäheriniň 7-nji orta mekdebi I orna, 32-nji orta mekdebi II orna, 29-njy orta mekdebi III orna mynasyp bolmagy başardylar.
www.msy.gov.tm
