Tejen şäherinde basketbol boýunça Ahal welaýatynyň birinjiligini almak ugrynda ýaryş tamamlandy, diýip «Ahal durmuşy» gazeti habar berýär. Ýaryş orta mekdebiň okuwçylarynyň arasynda geçirildi.
Okuwçy oglanlaryň arasynda geçirilen ýaryşyň netijesi boýunça I orna Tejen şäheriniň topary, II orna Tejen etrabynyň topary, III orna Ak bugdaý etrabynyň topary mynasyp bolmagy başardy.
Gyzlardan düzülen toparlaryň arasynda I orna Tejen şäheriniň topary, II orna Ak bugdaý etrabynyň topary, III orna Kaka etrabynyň topary eýe bolmagy başardylar.
Ýaryşyň ýeňijilerine «Türkmenistan» ýaşlar bedenterbiýe-sport guramasynyň welaýat bölüminiň, Ahal welaýat sport we ýaşlar syýasaty Baş müdirliginiň, Ahal welaýatynyň Baş bilim müdirliginiň Hormat hatlary bilen sylaglandylar.
