Änew şäheriniň sport mekdebinde Kikboksing boýunça Ahal welaýatynyň açyk birinjiligi tamamlandy. Ýaryş 2006-2007-nji, 2008-2009-njy, 2010-2011-nji, şeýle-de 2012-nji ýyllarda doglan ýetginjekleriň arasynda geçirildi.
Halkara Kikboksing federasiýasy tarapyndan tassyklanan düzgüne laýyklykda guralan bu ýaryşda 2006-2007-nji ýyllarda doglan türgenler 11 agram derejesinde bäsleşdiler. Ýaryşyň netijesi boýunça I.Myllyýew, A.Hudaýberdiýew, W.Gaýypow, T.Meläýew, P.Aşyrow, D.Jeýhunow, H.Italmazow, A.Çaryýew, A.Ýazow, Ý.Tekäýew, D.Çaryýew dagylar öz agram derejesinde ýeňiji bolamagy başardylar.
2008-2009-njy ýyllarda doglan türgenler 8 agram derejesinde bäsleşip, olaryň arasynda K.Annamow, A.Baýramgeldiýew, G.Baýmämmedow, B.Gurbanlyýew, A.Söwütgulyýew, B.Kösekow, D.Muhammedow, B.Nurmyradow dagylar birinji orna mynasyp boldylar.
2010-2011-nji ýyllarda dogalan türgenler 7 agram derejesinde bäsleşip, olardan P.Mämmedow, A.Nuryýew, G.Döwletgeldiýew, A.Altymuhammedow, A.Döwranow, R.Nurmyradow, E.Ataýew dagylar birinji orna mynasyp bolup, ýeňişlerini baýram etdiler.
2012-nji ýylda doglan türgenleriň arasynda guralan bu ýaryşda H.Geldimyradow, D.Öwezgeldiýew dagylar birinji orny eýeläp, saýlanan türgenleriň sanawyna goşulmagy başardylar.
Ýaryşda baýrakly orunlary eýelemegi başaran türgenlere Ahal welaýatynyň sport we ýaşlar syýasaty Baş müdirliginiň Hormat hatlary, Türkmenistanyň Gyzyl Ýarymaý Milli jemgyýetiniň welaýat bölüminiň ýörite sowgatlary gowşuryldy.
Aýdo ŞEKEROW,
žurnalist.
